नीता र अशोकको फिल्म 'पार्वती'को टिजर सार्वजनिक

नीता ढुंगानाको निर्देशनमा बनेको फिल्म 'पार्वती' को टिजर सार्वजनिक गरिएको छ। गुरू पूर्णिमाको अवसर पारेर बुधबार निर्माण टिमले एक मिनेट ५७ सेकेन्ड अवधिको टिजर रिलिज गरेको हो।

टिजरमा अटिजम भएकी दिदी र उनका भाइबीचको भावनात्मक सम्बन्धलाई केन्द्रमा राखिएको छ। पार्वतीको भूमिकामा रहेकी नीता ढुंगाना र किरण नामक भाइको भूमिकामा रहेका बालकलाकार अशोक दर्जीलाई टिजरमा प्रमुख रूपमा प्रस्तुत गरिएको छ। दिदी–भाइबीचको माया र आत्मीयतालाई टिजरमा देखाइएको छ।