शाहीले लिए मुख्यमन्त्रीको शपथ, मन्त्री नियुक्त भएनन्

सुर्खेत । कर्णाली प्रदेशका नवनियुक्त मुख्यमन्त्री मंगलबहादुर शाहीले बुधबार पद तथा गोपनीयताको शपथ लिएका छन् । प्रदेश प्रमुख यज्ञराज जोशीले प्रदेश प्रमुख कार्यालयमा आयोजित समारोहमा शाहीलाई शपथ गराएका हुन् ।

प्रदेश प्रमुख जोशीले मंगलबार नेपालको संविधानको धारा १६८ को उपधारा (२) बमोजिम शाहीलाई मुख्यमन्त्री नियुक्त गरेका थिए । उनी नेपाली कम्युनिस्ट पार्टी (नेकपा) र नेकपा एमालेको समर्थनमा कर्णाली प्रदेश सरकारको पाँचौँ मुख्यमन्त्री बनेका हुन् ।