इरानमाथि अमेरिकी सेनाले सुरु गर्‍यो नयाँ आक्रमण

अमेरिकी सेनाले इरानमाथि नयाँ आक्रमण सुरु गरेको दाबी गरेको छ। पश्चिम एसियामा रहेका अमेरिकी सैनिकमाथि इरानले अचानक आक्रमण गरेको थियो। त्यसैको जवाफमा यो आक्रमण गरिएको हो।

अमेरिकी सेन्ट्रल कमान्ड वा सेन्टकमले यस विषयमा सामाजिक सञ्जाल ‘एक्स’ मा एक पोस्ट गरेको छ। सेन्टकमले लेखेको छ, ‘यो आक्रमण मंगलबार जोर्डनमा रहेका अमेरिकी सैन्य आधार र होर्मुज जलमार्गमा रहेका अमेरिकी जहाजहरूलाई लक्षित गरी इरानले गरेको गोलाबारीको ‘कडा जवाफ’ हो।’