पाथीभरा माताको कर्तुतको विषय सदनमा उठ्यो, कारबाही गर्न सांसद खड्काको माग

काठमाडौँ । सुर्खेतको वीरेन्द्रनगरमा ‘पाथीभरा माता’ का नाममा एक महिलामाथि भएको अमानवीय व्यवहार र हिंसाको विषय प्रतिनिधिसभाको बैठकमा उठेको छ । नेपाली कांग्रेसका सांसद विष्णुबहादुर खड्काले बिहीबारको बैठकमा विशेष समय लिएर बोल्दै सो घटनाको घोर भर्त्सना गर्दै दोषीलाई कडा कारबाही गर्न माग गरे ।

सांसद खड्काले सुर्खेत जिल्ला, वीरेन्द्रनगर नगरपालिका वडा नम्बर ३ स्थित पाथीभरा मन्दिरमा भएको घटनाबारे सदनलाई जानकारी गराएका थिए । उनका अनुसार विगत ५–६ वर्षदेखि ‘पाथीभरा माता’ आफ्नो शरीरमा उत्पत्ति भएको दाबी गर्दै समीर थापा नामका व्यक्तिले मन्दिर स्थापना गरेर झारफुक गर्ने काम गर्दै आएका थिए ।