भूमिपुत्र र भूमिहीनका समस्या समाधान गर्न गुठी विधेयक अविलम्ब ल्याऔँ : युवराज दुलाल

काठमाडौँ । नेपाली कम्युनिस्ट पार्टी (नेकपा) का मुख्य सचेतक युवराज दुलालले पुस्तौँदेखि जमिन जोत्दै आएका‘ भूमिपुत्र’ र भूमिहीन किसानहरूको समस्या समाधानका लागि सरकारले अविलम्ब गुठी विधेयक ल्याउन माग गरेका छन् ।

प्रतिनिधि सभाको बिहीबारकाे बैठकमा विशेष समय लिएर बोल्दै दुलालले ऐतिहासिक र धार्मिक सम्पदाको संरक्षणसँगै जोताहा किसानको अधिकार सुनिश्चित गर्नुपर्नेमा जोड दिए ।