गृहमन्त्री पदबाट सुधनलाई हटाउन जेन–जी समूहको माग

काठमाडौं । गृहमन्त्री सुधन गुरुङले पदबाट राजिनामा दिनुपर्छ भनेर जेनजी समूह एक स्वरमा कराइरहेका छन् । मधेशमा भएका हिंसा, साम्प्रदायिक तनाव र सार्वजनिक सुरक्षा अवस्थाप्रति गैरजिम्मेवार बनेको भन्दै जेन–जी समूहले गृहमन्त्री गुरुङलाई पदबाट हटाउन माग गरेका हुन् ।

गृहमन्त्री गुरुङको पृष्ठभूमि विवादास्पद रहेको र पछिल्लो समय उनले भ्रमण गरेका क्षेत्रमा एकाएक हिंसात्मक द्वन्द्व फैलिएको उल्लेख गर्दै जेनजी मुभमेन्ट नेपालले यस्तो माग अघि सारेको हो । यस सन्दर्भमा मुभमेन्टले जेनजी आन्दोलनका क्रममा गुरुङले आन्दोलन भड्काएको र द्वन्द्व सिर्जना गरेको भन्ने राष्ट्रिय मानव अधिकार आयोगको प्रतिवेदन स्मरण गराएको छ ।