सिरहाको गोलबजारमा कर्फ्यूकै बीच गोली चल्यो : गणेश यादवको मृत्यु, सेना परिचालनपछि अवस्था तनावग्रस्त

सिरहाको गोलबजारमा कर्फ्यू आदेश जारी रहेका बेला भएको झडपका क्रममा गोली लागेर एक जनाको मृत्यु भएको छ। घटनापछि गोलबजार क्षेत्रको सुरक्षा अवस्था थप संवेदनशील बनेको छ भने स्थानीय प्रशासनले सेना परिचालन गरेको छ।

सिरहाका सहायक प्रमुख जिल्ला अधिकारी चेतराज बरालका अनुसार गोली लागेर मृत्यु हुने व्यक्ति गणेश यादव रहेका छन्। दुई पक्षबीचको विवाद उग्र बन्दै गएपछि झडप भएको र त्यसक्रममा गोली चलेको छ । घटनापछि गोलबजार तथा आसपासका क्षेत्रमा उच्च सुरक्षा सतर्कता अपनाइएको छ। नेपाल प्रहरी, सशस्त्र प्रहरी र नेपाली सेनाको संयुक्त टोली परिचालन गरी स्थिति नियन्त्रणमा लिने प्रयास भइरहेको प्रशासनले जनाएको छ।