सुनसरी घटनाका दोषीलाई कारबाही गर्न सांसदहरूको माग

प्रतिनिधिसभाका सांसदहरूले सुनसरी घटनाको सत्यतथ्य छानबिन गरी दोषीलाई तत्काल कडा कारबाही गर्न, पीडित परिवारलाई उचित क्षतिपूर्ति उपलब्ध गराउन तथा नागरिकलाई सुरक्षित रूपमा बस्ने वातावरण सुनिश्चित गर्न सरकारसँग माग गरेका छन्।

प्रतिनिधिसभाको बिहीबारको विशेष समयमा बोल्दै सांसद गुरुप्रसाद बरालले सुनसरी घटनाको समाधानमा सरकार प्रभावकारी रूपमा प्रस्तुत हुन नसकेको टिप्पणी गरे। उनले समाजमा धार्मिक सहिष्णुता कायम राख्न सरकारले समन्वयकारी र सहजकर्ताको भूमिका निर्वाह गर्नुपर्ने बताए।