स्वास्थ्यकर्मीहरूमाथि भइरहेको शृङ्खलाबद्ध आक्रमणका दोषीलाई कारबाही गर्न तोसिमाको माग

काठमाडौँ । राष्ट्रिय स्वतन्त्र पार्टीकी सांसद डा. तोसिमा कार्कीले स्वास्थ्यकर्मीहरूमाथि भइरहेको शृङ्खलाबद्ध भौतिक आक्रमण र दुव्र्यवहारप्रति गम्भीर ध्यानाकर्षण गराउँदै दोषीलाई कडा कारबाही र सुरक्षाको पूर्ण प्रत्याभूति गर्न सरकारसँग माग गरेकी छन्।

बिहीबार प्रतिनिधि सभाको बैठकमा बोल्दै सांसद कार्कीले स्वास्थ्य क्षेत्रमा व्याप्त दण्डहीनता र प्रशासनिक लाचारीका कारण अस्पतालहरू असुरक्षित बन्दै गएको बताइन्। अस्पतालभित्र चिकित्सक तथा स्वास्थ्यकर्मीमाथि हुने कुटपिट, त्यसपछि हुने आन्दोलन र सरकारसँग गरिने कागजी सम्झौताको ‘दुश्चक्र’ वर्षौँदेखि चलिरहेको उल्लेख गर्दै उनले हालै वीरगन्जस्थित नारायणी अस्पतालपछि भक्तपुर अस्पतालमा समेत स्वास्थ्यकर्मीमाथि दुव्र्यवहार हुनुले राज्यको सुरक्षा संयन्त्र असफल भएको पुष्टि गरेको तर्क गरिन्।