राष्ट्रिय सुरक्षा परिषद्को बैठकः सामाजिक सद्भाव र राष्ट्रिय एकता सुदृढ बनाउने निर्णय

काठमाडौँ ।

राष्ट्रिय सुरक्षा परिषद्को बैठकले सामाजिक सद्भाव र राष्ट्रिय एकता सुदृढ बनाउने निर्णय गरेको छ । प्रधानमन्त्री एवं राष्ट्रिय सुरक्षा परिषद्का अध्यक्ष बालेन्द्र साहको अध्यक्षतामा बसेको बैठकले सामाजिक सद्भाव र राष्ट्रिय एकता सुदृढ बनाउने निर्णय गरेको हो । सिंहदरबारस्थित परिषद्को सचिवालयमा बसेको उक्त बैठकले देशको समग्र सुरक्षा अवस्थाको विस्तृत समीक्षा गर्दै सामाजिक सद्भाव र राष्ट्रिय एकता कायम राख्न सबै सुरक्षा निकाय तथा सरोकारवालाहरूबीचको समन्वयलाई थप प्रभावकारी बनाउने निर्णय गरेको छ । बैठकमा मुलुकको पछिल्लो सुरक्षा अवस्थाका साथै गत साउन १० गते सुनसरीमा भएको घटनाका सम्बन्धमा गहिरो छलफल भएको थियो। राजनीतिक दल, स्थानीय सरोकारवाला र सुरक्षा निकायको एकीकृत प्रयासबाट सुनसरीको अवस्था क्रमशः सामान्यीकरणतर्फ उन्मुख भएको ब्रिफिङ बैठकमा गरिएको थियो ।