साढे तीन महिना भइसक्दा पनि बर्ड फ्लू निरन्तर देखिँदै, नियन्त्रणमा कहिलेसम्म आउँछ

गत वर्षको चैत पहिलो साता पूर्वी नेपालमा देखिएको बर्ड फ्लू (H5N1) को सङ्क्रमण साढे तीन महिना हुन लाग्दा पनि नियन्त्रणमा आउन सकेको छैन।

पशु सेवा विभागका अनुसार अहिलेसम्म ११ जिल्लाका १०० भन्दा बढी स्थानमा बर्ड फ्लूको पुष्टि भइसकेका छन्। त्यसमध्ये ९८ वटालाई नियन्त्रणमा लिए पनि देखिने क्रम जारी नै रहेको छ।