गृहमन्त्री गुरुङ सुनसरी पुगेर के–के गर्छन् ?

सुनसरीको देवानगञ्जमा भएको हिंसात्मक घटनापछि उत्पन्न परिस्थितिको स्थलगत समीक्षा गर्न गृहमन्त्री सुधन गुरुङ बिहीबार सुनसरी जाँदैछन्। प्रधानमन्त्री बालेन शाहसँग छलफल गरेपछि उनी घटनास्थलतर्फ प्रस्थान गर्न लागेका हुन्।

प्रधानमन्त्री तथा मन्त्रिपरिषद्को कार्यालयका अनुसार गृहमन्त्री गुरुङले सुनसरी पुगेपछि साउन १० गते भएको झडपमा ज्यान गुमाएका ओमप्रकाश मेहता र उपचारका क्रममा बिहीबार मृत्यु भएका जयप्रकाश मेहताका परिवारसँग भेट गर्ने कार्यक्रम छ। भेटका क्रममा उनले शोकाकुल परिवारलाई समवेदना व्यक्त गर्नुका साथै सरकारका तर्फबाट आवश्यक सहयोगबारे जानकारी गराउनेछन्।