अशान्तिले आर्थिक गतिविधिमा असर पर्ने भन्दै उद्योग वाणिज्य महासंघद्वारा शान्तिका लागि अपिल

नेपाल उद्योग वाणिज्य महासंघ (एफएनसिसिआई) ले सुनसरीको कप्तानगञ्जलगायत तराईका विभिन्न जिल्लामा देखिएको अशान्त अवस्थाप्रति गम्भीर ध्यानाकर्षण भएको जनाएको छ।

महासंघले आज प्रेस विज्ञप्ति जारी गर्दै नेपाल बहुजातीय, बहुभाषिक, बहुधार्मिक र बहुसांस्कृतिक एकताको अनुपम उदाहरणका रूपमा रहनुका साथै तराई-मधेश क्षेत्र विभिन्न जातजाति, भाषाभाषी र समुदायबीचको आपसी भाइचारा, सामाजिक सद्भाव र सहिष्णुताको केन्द्र भएको उल्लेख गरेको छ।