जेनजीलाई ‘गटर जेनेरेसन’ भनेपछि कङ्गना रनौतको स्पष्टीकरण

१४ साउन, काठमाडौं । अभिनेत्री तथा बीजेपी सांसद कंगना रनौत फेरि एकपटक विवादको केन्द्रमा आएकी छन्। हालै दिल्लीको जन्तर-मन्तरमा नीट पेपर लीक विरुद्ध विद्यार्थीहरूको आन्दोलन भएको थियो। सो आन्दोलन र ‘जेन जी’ पुस्तामाथि उनले विवादित र आपत्तिजनक शब्दमा टिप्पणी गरेकी छन्।

आन्दोलनका क्रममा प्रयोग भइरहेको भाषा र रिल्समाथि उनले आपत्ति जनाएकी छन्। त्यस क्रममा उनले युवा पुस्तालाई ‘गटर जेनरेशन’ भनेकी छन्। कंगनाले इन्स्टाग्राम स्टोरी र मिडियासँगको कुराकानीका क्रममा प्रदर्शनकारी युवक र युवतीहरूलाई निशाना बनाएकी छन्।