कोशीको सुनसरीको बाछिटा मधेसको सिरहा,जनकपुर र पर्सामा पुग्यो, मृतक ३ पुगे

विराटनगर ।

सुनसरीको कप्तानगन्ज घटनाको विरोधमा मोरङ, सप्तरी, सिरहा, पर्सा र धनुषामा पनि प्रदर्शन गरिएको छ । स्थिति नियन्त्रणबाहिर गएपछि सिरहा, जनकपुरमा कर्फ्यु आदेश जारी गरिएको छ भने पर्साको वीरगन्जमा निषेधाज्ञा लगाइएको छ । सिरहाको गोलबजारमा बिहीबार तनाव भएको छ । गोलबजारमा प्रदर्शनक्रममा गोली लागेर १९ वर्षीय गणेश यादवको मृत्यु भएको सिरहाका सहायक प्रमुख जिल्ला अधिकारी चेतराज बरालले जानकारी दिनु भयो । त्यहाँ अनिश्चितकालीन कर्फ्यु आदेश जारी गरिएको छ । मधेस प्रदेशको राजधानी जनकपुरधाममा समेत बिहीबार प्रदर्शनपछि अनिश्चितकालीन कफ्र्यु आदेश जारी गरिएको छ ।