डाक्टरको लापरबाहीले सुत्केरीको मृत्यु भएको भन्दै आफन्तद्वारा कपिलवस्तु अस्पतालमा प्रदर्शन

कपिलवस्तु अस्पतालका डाक्टरहरूको लापरबाहीले कपिलवस्तु नगरपालिका–७ धमौलीकी सुत्केरीको मृत्यु भएको भन्दै मृतक परिवार र स्थानीयवासीले अस्पताल र प्रशासन कार्यालय अगाडि विरोध प्रदर्शन गरेका छन्।

३० वर्षीया चनरमती यादवको शल्यक्रिया गरी गत साउन ७ गते अस्पतालमा सकुशल बच्चा जन्माइएको थियो। सुत्केरी महिलालाई पिसाब फेर्न समस्या आएपछि अस्पतालले डाक्टरहरूको सल्लाहअनुसार थप उपचारका लागि भैरहवास्थित मेडिकल कलेज पठाएको थियो। त्यहाँ उनको चार दिनसम्म उपचार भएको थियो।