झोलुंगे पुलमुनि मृत फेला परेका पुरुषको पहिचान खुल्यो

उदयपुरको सदरमुकाम गाईघाटनजिकै झोलुंगे पुलमुनि मृत अवस्थामा फेला परेका पुरुषको पहिचान खुलेको छ। जिल्ला प्रहरी कार्यालय उदयपुरका अनुसार मृतक रौतामाई गाउँपालिका–४ का ३८ वर्षीय नरेशकुमार सुयल हुन्।

बिहीबार बिहान करिब ९ बजे त्रियुगा नगरपालिका–११ ढिम्कीस्थित झोलुंगे पुलको सिँढीमुनि पानीमा टाउको डुबेको अवस्थामा एक पुरुषको शव देखेपछि स्थानीयले प्रहरीलाई खबर गरेका थिए। त्यसपछि जिल्ला प्रहरी कार्यालयबाट खटिएको टोलीले घटनास्थल सुरक्षित गरी अनुसन्धान सुरु गरेको थियो।