अब घरमै बसेर लाइसेन्स र राजस्व सम्बन्धी काम

सवारी साधन र चालक अनुमति पत्रसम्बन्धी सेवालाई प्रविधिमैत्री र सहज बनाउन सरकारले साउन १ गतेदेखि मुलुकका सातै प्रदेशमा 'इडिएल भिआरएस सिष्टम' नामक नयाँ अनलाइन प्रणाली सञ्चालनमा ल्याएको छ।

नेपाली इन्जिनियरहरूले नै विकास गरेको यस नयाँ प्रणालीमार्फत सेवाग्राहीले घरबाटै अनलाइन फारम भर्ने, नवीकरण गर्ने, राजस्व बुझाउने, मेडिकल जाँचका लागि चिकित्सक रोज्ने तथा ट्रायल दिने स्थान छनोट गर्नेजस्ता सुविधाहरू पाउनेछन्।