बालबालिकालाई पहुँच दिने सामाजिक सञ्जाल कम्पनीलाई १० अर्ब जरिबाना लगाउने अस्ट्रेलियाको घोषणा

काठमाडौं । अष्ट्रेलियाले १६ वर्षमुनिका बालबालिकालाई सामाजिक सञ्जालबाट टाढा राख्ने आफ्नो ऐतिहासिक कानुनलाई थप कडा बनाउने भएको छ । सरकारले सामाजिक सञ्जाल कम्पनीहरूले कानुन पालना नगरेमा लाग्ने अधिकतम जरिवाना दोब्बर बढाएर ९९ मिलियन अष्ट्रेलियन डलर (१० अर्ब रूपैयाँ) पुर्‍याउने घोषणा गरेको हो । साथै, कम्पनीहरूले उमेरसम्बन्धी प्रतिबन्ध प्रभावकारी रूपमा लागू गरे/नगरेको प्रमाण माग्ने अधिकार पनि नियामक निकायलाई थपिने भएको छ ।

गत वर्ष पारित भएर डिसेम्बर २०२५ देखि लागू भएको कानुन अनुसार १६ वर्षमुनिका बालबालिकाले इन्स्टाग्राम, फेसबुक, टिकटक, स्न्यापच्याट, युट्युबलगायतका सामाजिक सञ्जालमा खाता खोल्न वा प्रयोग गर्न पाउँदैनन् । तर, सरकारका अनुसार प्रविधि कम्पनीहरूले कानुनको भावना अनुरूप पर्याप्त प्रयास नगरेकाले अझै पनि धेरै किशोरकिशोरीहरू नक्कली विवरण, भीपीएन वा कमजोर उमेर प्रमाणीकरण प्रणाली प्रयोग गरेर सामाजिक सञ्जाल चलाइरहेका छन् ।