प्रहरीमा सुत्केरी र किरियाबाहेकका बिदा कटौती

१४ साउन, काठमाडौं । नेपाल प्रहरीले आफ्ना कर्मचारीका अत्यावश्यकबाहेकका बिदा कटौती गरेको छ । तराई-मधेशका जिल्लामा देखिएको समस्यालाई हेरेर सुत्केरी र किरिया बिदाबाहेकका सबै बिदा कटौती गरेको प्रहरी प्रधान कार्यालयले जनाएको छ ।

प्रहरीका केन्द्रीय प्रवक्ता, प्रहरी नायब महानिरीक्षक(डीआईजी) अबिनारायण काफ्लेले उक्त कुरा पुष्टि गरे । उनले कर्फ्यू लागेका चार जिल्ला र तराई–मधेशका अन्य जिल्लामा पनि शान्ति सुरक्षा कायम गर्न खटिनुपर्ने अवस्था रहेकाले बिदा कटौती गरिएको बताए ।