युक्रेनमा रूसको भीषण आक्रमण : नेटो सदस्य पोल्याण्डमा पनि खस्यो क्रूज मिसाइल

युक्रेनभरि रूसले गरेको ठूलो लामो दूरीको ब्यालिस्टिक क्षेप्यास्त्र र ड्रोन आक्रमणमा बालबालिकासहित कम्तीमा आठ नागरिकको मृत्यु भएको छ भने दर्जनौं घाइते भएका छन्।

मस्कोले पश्चिमा देशहरूले आपूर्ति गरेका एन्टी-ब्यालिस्टिक क्षेप्यास्त्र प्रणालीको अभाव रहेको मौका छोप्दै युक्रेनी सहरहरूमा बमबारी तीव्र पारेको छ। यसैक्रममा, युक्रेनमाथिको आक्रमणका क्रममा एउटा रूसी क्रूज क्षेप्यास्त्र नेटो सदस्य राष्ट्र पोल्याण्डको भूभागभित्र गहिरो गरी खसेको छ।