वर्ल्डलिंकको दाबी : एफटिटिएच ग्राहक ११ लाख नाघ्यो, बजारमा ३५ प्रतिशत हिस्सा

काठमाडौं । इन्टरनेट तथा डिजिटल सेवा प्रदायक वर्ल्डलिंक कम्युनिकेसन्स लिमिटेडले आफ्ना एफटिटिएच (फाइबर टु द होम) ग्राहक संख्या ११ लाख पुगेको दाबी गरेको छ । कम्पनीका अनुसार यस उपलब्धिसँगै नेपालको एफटिटिएच बजारमा करिब ३५ प्रतिशत हिस्सा कायम गर्दै डिजिटल रूपान्तरणको यात्रामा अर्को महत्वपूर्ण कोसेढुङ्गा पार गरिएको छ ।

कम्पनीले सन् १९९५ मा इमेल सेवाबाट आफ्नो व्यवसाय सुरु गरेको थियो । त्यसयता डायल–अप, केबल र वायरलेस इन्टरनेट हुँदै सन् २०१५ देखि एफटिटिएच सेवा विस्तार गर्दै देशभर उच्च गतिको इन्टरनेट पहुँच विस्तार गरेको जनाएको छ ।