अशान्ति नियन्त्रणमा बालेनको सक्रियता : राष्ट्रका नाममा सम्बोधन, राष्ट्रपतिसँग भेट र उपराष्ट्रपतिसँग फोनवार्ता

काठमाडौँ- सुनसरीको देवानगन्ज, सिरहालगायत जिल्लामा भएको हिंसात्मक घटनापछि उत्पन्न तनावपूर्ण अवस्थालाई नियन्त्रणमा लिन प्रधानमन्त्री वालेन्द्र शाहले एकै दिन तीनवटा पहल अघि बढाएका छन्। राष्ट्रका नाममा सम्बोधन गर्दै संयम र सद्भावको अपिल गरेका प्रधानमन्त्री शाहले राष्ट्रपतिसँग भेट गरी सरकारका प्रयासबारे जानकारी गराउनुका साथै उपराष्ट्रपति रामसहायप्रसाद यादवसँग पनि टेलिफोन संवाद गर्दै वर्तमान परिस्थितिबारे छलफल गरेका छन्।

राष्ट्रका नाममा सम्बोधन गर्दै प्रधानमन्त्री शाहले सुनसरीको देवानगन्ज र सिरहालगायत स्थानमा भएका घटनाप्रति दुःख व्यक्त गर्दै नेपाल सरकार पूर्ण रूपमा गम्भीर र संवेदनशील रहेको बताए। घटनामा ज्यान गुमाएका जयप्रकाश मेहता, ओमप्रकाश मेहता र गणेश यादवप्रति श्रद्धाञ्जली अर्पण गर्दै उहाँले शोकसन्तप्त परिवारप्रति समवेदना व्यक्त गरे।