कृष्णभीरको पहिरोमात्रै होइन, त्रिशूलीले सडक छेउको १ किलोमिटर भाग नै कटान गर्‍यो

चितवन । नारायणगढ–मुग्लिन सडकखण्डमा कृष्णभीरको पहिरोका कारण यातायात प्रभावित भइरहेका बेला त्रिशूली नदीले सडक छेउको करिब १ किलोमिटर भाग नै कटान गरेको पाइएको छ ।

सडक डिभिजन भरतपुरका अनुसार नाम्सी खोलाको पुलदेखि करिब १ किलोमिटर नारायणगढतर्फ चेनिज ३१+०५० मा आइतबारको बाढीले त्रिशूली नदीले सडक छेउको भाग कटान गरेको हो ।