पाकिस्तानमा हिमपहिरो जाँदा चर्चित नेपाली पर्वतारोहीसहित १० जना सम्पर्कविहीन

काठमाडौं । पाकिस्तानको काराकोरम हिमशृङ्खलामा रहेको विश्वको १२औँ अग्लो हिमाल ब्रोड पिकमा हिमपहिरो जाँदा नेपाली मूलका विश्वप्रसिद्ध पर्वतारोही निर्मल पुर्जाको नेतृत्वमा रहेको १० सदस्यीय अन्तर्राष्ट्रिय आरोही टोली सम्पर्कविहीन भएको छ ।

पाकिस्तानी पर्वतारोहण अधिकारीहरूका अनुसार बिहीबार मध्यान्ह करिब ८ हजार ४७ मिटर अग्लो ब्रोड पिकमा हिमपहिरो गएको थियो । त्यसयता उक्त टोलीसँग कुनै सम्पर्क हुन नसकेको जनाइएको छ । टोलीमा एक अमेरिकी, एक चिनियाँ, एक ओमानी र पाँच नेपालीसहित विभिन्न देशका आरोही सहभागी रहेको बताइएको छ ।