सप्तरीको राजविराज र बोदेबरसाइन क्षेत्रमा कर्फ्यु जारी

सप्तरी । जिल्ला प्रशासन कार्यालय सप्तरीले जिल्लाको राजविराज क्षेत्रमा पनि अनिश्चितकालीन कर्फ्यु आदेश जारी गरेको छ । सो कार्यालयले बिहीबार राति १० बजेदेखि बोदेबरसाइन क्षेत्रमा कर्फ्यु जारी गरेकोमा आज बिहान ८ बजेदेखि राजविराज क्षेत्रमा पनि कर्फ्यु जारी गरेको हो ।

प्रमुख जिल्ला अधिकारी श्यामकृष्ण थापाले जिल्ला सुरक्षा समितिको निर्णयअनुसार शुक्रबार बिहान ८ बजेदेखि अर्को आदेश नभएसम्मका लागि राजविराज क्षेत्रमा कर्फ्यु आदेश जारी गरिएको बताए ।