दुई सातादेखि ठप्प अरनिको राजमार्ग : मर्मत अनिश्चित, चीन–नेपाल व्यापार प्रभावित

काठमाडौँ । चीनसँगको उत्तरी नाका तातोपानी जोड्ने देशकै प्रमुख व्यापारिक मार्ग अरनिको राजमार्ग विगत दुई सातादेखि पूर्ण रूपमा अवरुद्ध बनेको छ ।

लगातारको पहिरोका कारण राजमार्ग ठाउँ–ठाउँमा भत्किएपछि सवारी साधनको आवतजावत ठप्प बनेको छ । तर बाटो बन्द भएको दुई साता बितिसक्दा पनि सडक खुलाउन सरकार तथा सम्बन्धित निकायले कुनै ठोस कदम चालेको देखिँदैन, जसका कारण सीमावर्ती क्षेत्रका बासिन्दा तथा चीनबाट सामान आयात–निर्यात गर्ने व्यवसायीहरू निकै सास्ती भोग्न बाध्य भएका छन् ।