विश्व बजारमा तेल सस्तिए पनि नेपालमा मूल्य घटाउन सरकार उदासीन

काठमाडौं- अन्तर्राष्ट्रिय बजारमा कच्चा तेलको मूल्य उल्लेख्य रूपमा घटिसक्दा पनि नेपालमा पेट्रोलियम पदार्थको खुद्रा मूल्य यथावत् राखिएको छ। मूल्य बढ्दा तत्काल समायोजन गर्ने सरकार र नेपाल आयल निगम अहिले भने मूल्य घटाउने विषयमा विभिन्न प्राविधिक कारण देखाउँदै उपभोक्तालाई राहत दिन ढिलाइ गरिरहेका छन्।

विश्व बजारमा मध्यपूर्व तनावका कारण केही समय तीव्र रूपमा उकालो लागेको कच्चा तेलको मूल्य अहिले युद्धअघिकै स्तरभन्दा पनि तल झरेको छ। तर त्यसको प्रत्यक्ष लाभ नेपाली उपभोक्ताले अझै पाउन सकेका छैनन्।