स्थानीय तहका आधारभूत अस्पताल: बनाउन सम्भव, चलाउन चुनौती

नेपालगन्जबाट करिब पाँच किमि दूरीमा जानकी गाउँपालिकाको आधारभूत अस्पताल भवन बनेको छ। संघीय सरकारले भवन निर्माण गर्न बजेट पठाएको छ तर १५ शड्ढयाको अस्पताल चलाउन आवश्यक जनशक्ति तथा उपकरण कसरी जोहो गर्ने भन्ने चिन्ता थपिएको छ। एकातिर नेपालगन्जको सीमासँगै जोडिनु, अर्कातिर जनशक्ति र उपकरण व्यवस्थापन गर्न आर्थिक समस्या आउनुले अस्पताल दीर्घकालीन रूपले चल्नेमा यहाँका जनप्रतिनिधि र कर्मचारी ढुक्क छैनन्।

गाउँपालिका आफैंले जनशक्ति र उपकरण व्यवस्थापन गरेर अस्पताल चलाउन नसक्ने गाउँपालिका अध्यक्ष छब्बन खाँ बताउँछन्। ‘हामी आफैंले अस्पताल चलाउन त सम्भव छैन। बजेट मागेको छु। बजेट नआए त गाउँपालिकाले चलाउने स्थिति छैन’, उनले भने।