धार्मिक सद्भाव कायम गर्न सबै पक्षलाई संवाद र सहकार्यमा जुट्न श्रम संस्कृतिको आग्रह

काठमाडौँ। श्रम संस्कृति पार्टीका अध्यक्ष हर्कराज राई साम्पाङले पछिल्लो समय देशमा देखिएको धार्मिक तथा साम्प्रदायिक तनावलाई संवाद र सहकार्यबाट समाधान गर्न सबै पक्षलाई आग्रह गरेका छन्।

शुक्रबार जारी सन्देशमा उनले शान्ति नै सुख र खुसीको आधार भएको उल्लेख गर्दै एकले अर्काको सम्मान गरे मात्रै देशमा दिगो शान्ति स्थापना हुने बताएका छन्। उनले विगतका तिता घटनालाई बिर्सेर मीठा सम्झना र सुन्दर भविष्यको लक्ष्यसहित अघि बढ्नुपर्नेमा जोड दिए।