इभीलाई प्राथमिकतामा दिँदै राष्ट्रिय यातायात नीति जारी

सरकारले मुलुकको यातायात क्षेत्रलाई सुरक्षित, भरपर्दो र आधुनिक बनाउने उद्देश्यका साथ ‘राष्ट्रिय यातायात नीति २०८३’ जारी गरेको छ।

पूर्वाधार विकास मन्त्रालयको प्रस्तावमा मन्त्रिपरिषद्ले राष्ट्रिय यातायात नीति २०८३ गत असार २४ मा स्वीकृत गरेको थियो। नयाँ नीतिले दिगो, सुरक्षित, सर्वसुलभ, समावेशी, हरित र प्रविधिमैत्री यातायात प्रणाली विकास गर्ने दूरदृष्टि राखेको छ। मुलुकमा बढ्दो सवारी दुर्घटना, वातावरणीय प्रदूषण र अव्यवस्थित सहरी यातायातलाई सम्बोधन गर्न यो नीति जारी गरिएको पूर्वाधार विकास मन्त्रालयले जनाएको छ।