ब्रोड पिक हिमपहिरो : चार जनाको शव फेला परेको मन्त्री पौडेलद्वारा पुष्टि

पाकिस्तानको ब्रोड पिक हिमालमा गएको हिमपहिरोमा परी हालसम्म चार जनाको शव फेला परेको छ। संस्कृति, पर्यटन तथा नागरिक उड्डयनमन्त्री गणेश पौडेलले सामाजिक सञ्जालमार्फत यसबारे जानकारी दिएका हुन्।

यद्यपि, ती शवहरूको पहिचान अझै खुलेको छैन। घटनालगत्तै मन्त्री पौडेलले घटनाप्रति गहिरो चिन्ता व्यक्त गरेका छन्। काराकोरम हिमशृंखलास्थित ८ हजार ४७ मिटर उचाइको ब्रोड पिक हिमालमा गएको हिमपहिरोका कारण विश्वचर्चित नेपाली पर्वतारोही निर्मल पुर्जा ‘निम्स दाई’ लगायत १० आरोही सम्पर्कविहिन भएका हुन्। सोही घटनाप्रति उनले गहिरो चिन्ता व्यक्त गरेका हुन्।