एमाले त्यागेर आजपामा लागेका देवाही गोनाहीका नगरप्रमुख र वडाध्यक्ष पदमुक्त

रौतहटको देवाही गोनाही नगरपालिकाका नगरप्रमुख प्रेमलाल शाह कानु र वडा नं. ४ का वडाध्यक्ष राम प्रवेशप्रसाद कुर्मी पदमुक्त भएका छन्।

नेपाल कम्युनिस्ट पार्टी (एमाले) को चुनाव चिह्नबाट निर्वाचित दुवै जनप्रतिनिधि दल परिवर्तन गरी प्रभु शाह नेतृत्वको आम जनता पार्टी (आजपा) मा आबद्ध भएपछि निर्वाचन आयोगले कानुनबमोजिम उनीहरूको पद स्वतः समाप्त भएको जनाएको हो।