स्वास्थ्य मन्त्रालयमा ४ वटा महाशाखा राख्न प्रस्ताव :  १२औँ तहको पद हटाइने

काठमाडौँ । स्वास्थ्य तथा खाद्य स्वच्छता मन्त्रालयमा ४ वटा महाशाखा मात्रै राख्ने प्रस्ताव गरिएको छ । प्रस्तावित सङ्गठन संरचनाअनुसार स्वास्थ्य मन्त्रालयमा अब स्वास्थ्य, खाद्य स्वच्छता तथा औषधि गुणस्तर नियमन महाशाखा, जनस्वास्थ्य समन्वय तथा सूचना प्रविधि महाशाखा, प्रशासन महाशाखा र नीति, योजना तथा अनुगमन महाशाखा मात्रै रहनेछन् ।

यसअघि रहेको जनसङ्ख्या व्यवस्थापन महाशाखा खारेज गरिएको छ । यस्तै, १२औँ तहको पद पनि हटाइने भएको छ । नयाँ संरचनामा मन्त्रालयअन्तर्गत स्वास्थ्य आपत्कालीन तथा विपद् व्यवस्थापन इकाई स्थापना गरिने भएको छ ।