धार्मिक सहिष्णुता र सद्भाव जोगाउन रास्वपाको पहल: सभापति लामिछानेद्वारा मुस्लिम र हिन्दु अगुवासँग संयुक्त छलफल

काठमाडौँ – देशका विभिन्न क्षेत्रमा देखिएको तनावपूर्ण अवस्थाबीच सामाजिक सद्भाव कायम राख्ने उद्देश्यले राष्ट्रिय स्वतन्त्र पार्टी (रास्वपा)का सभापति रवि लामिछानेले धार्मिक समुदायका अगुवासँग छलफल सुरु गरेका छन्।

शुक्रबार सिंहदरबारस्थित रास्वपा संसदीय दलको कार्यालयमा आयोजित बैठकमा सभापति लामिछानेले मुस्लिम समुदायका धर्मगुरुहरू मौलाना नरुल हुसेन र मौलाना मोहम्मद खालिदका साथै विश्व हिन्दु महासंघका महासचिव रामचन्द्र तिवारी र सचिवालय सदस्य राजुराज फुयालसँग एकसाथ संवाद गरेका हुन्।