अमेरिका–इरानबीच दोहामा वार्ता हुने, होर्मुज विवाद समाधानमा जोड

काठमाडौं । अमेरिका र इरानले पछिल्ला तनाव कम गर्दै पुराना विवाद समाधानका लागि पुनः वार्तामा बस्ने सहमति गरेका छन् । एक वरिष्ठ अमेरिकी अधिकारीका अनुसार दुवै देशबीच आगामी मंगलबार कतारको राजधानी दोहामा उच्चस्तरीय बैठक बस्ने बताइएको सीएनएनले जनाएको छ ।

बैठकको मुख्य उद्देश्य होर्मुज जलमार्ग सम्बन्धी विवाद समाधान गर्नु रहेको छ । अधिकारीहरूका अनुसार दुवै पक्षले हालका लागि सबै प्रकारका सैन्य गतिविधि र आक्रमण रोक्ने सहमति गरेका छन् । अन्तर्राष्ट्रिय जलमार्गमा व्यापारिक जहाजहरूको आवागमन सुनिश्चित गर्न दुवै देश आफ्ना सैन्य गतिविधि सीमित गर्न तयार भएका छन् ।