२०२५ मा ७४८ जनाले चढे सगरमाथा,  कुल आरोही हजार नजिक

काठमाडौँ । सन् २०२५ को आरोहण सिजनमा कुल ७४८ जना आरोहीहरूले सगरमाथाको सफल आरोहण गरेका छन् । पर्यटन विभागको तथ्याङ्क अनुसार सगरमाथा आरोहण गर्नेहरूमा ४६४ जना नेपाली र २८४ जना विदेशी आरोहीहरू रहेका छन् ।

यससँगै सन् २०२५ को डिसेम्बर सम्ममा सगरमाथा चुम्ने कुल आरोहीहरूको सङ्ख्या ९,८२५ पुगेको छ । प्रतिवेदन अनुसार सगरमाथा आरोहणका लागि विभिन्न ४३ वटा देशका नागरिकहरू नेपाल आएका थिए ।