त्रिवि कार्यकारी परिषद् सदस्यमा नियुक्त प्रा.डा. सापकोटामाथि बौद्धिक चोरीको आरोप

काठमाडौँ । अनुसन्धानपत्रमा बौद्धिक चोरीको आरोप लागेका प्रा.डा. कन्हैया सापकोटा त्रिभुवन विश्वविद्यालयको कार्यकारी परिषद् सदस्यमा नियुक्त भएका छन्। त्रिवि उपकुलपति प्रा.डा. भोला थापाले सापकोटालाई बिहीबार परिषद् सदस्यमा नियुक्त गरेका हुन्।

त्रिविका प्रवक्ता नविन्द्र प्रसाद भण्डारीले सापकोटासहित वनस्पति केन्द्रीय विभागका प्रमुख प्रा.डा. विजया पन्त, त्रिवि चिकित्सा शास्त्र अध्ययन संस्थानका डिन प्रा.डा. मोहनराज शर्मा र कानुन संकायका डिन प्रा.डा. डीएन पराजुली नियुक्त भएको जानकारी दिए।