पौरखले लेखिएको जीवन: एक छोरीको आँखाबाट!

‘पदभन्दा पौरख ठूलो’ पुस्तक मेरो बुबाको अवकाशसँगै सुरु भयो।

यसलाई लेख्न आग्रह गर्ने हामी नै थियौँ; मेरी आमा, मेरो दादा र म। हामीले उहाँको जीवनलाई नजिकबाट देखेका थियौँ। त्यो जीवन केवल सफलता र असफलताको क्रम मात्र थिएन; त्यो कहिल्यै नथाक्ने धैर्य, गुनासोबिना निर्वाह गरिएको कर्तव्य र जति नै कठिन परिस्थिति आए पनि कहिल्यै नझुकेको आत्मसम्मानको कथा थियो।