जापान भूकम्प अपडेट: मृत्यु हुनेको संख्या ३४ पुग्यो, उद्धार कार्य जारी

काठमाडौं। जापानको दक्षिणपश्चिम क्षेत्रमा आएको शक्तिशाली भूकम्पमा मृत्यु हुनेको संख्या ३४ पुगेको छ। कुमामोटो प्रान्तीय सरकारले शुक्रबार सार्वजनिक गरेको विवरणअनुसार भूकम्पका कारण एक व्यापारिक केन्द्रमा विस्फोट भएको, एउटा कारखानाको चिम्नी ढलेको तथा धेरै घरमा क्षति पुगेको छ।

मंगलबार जापानको दक्षिणी मुख्य टापु क्युसुमा ७.१ म्याग्निच्युडको भूकम्प गएको थियो। अधिकारीहरूका अनुसार हालसम्म ३४ जनाको मृत्यु पुष्टि भइसकेको छ भने थप एक जनाको मृत्युबारे अनुसन्धान भइरहेको छ।