बझाङ विकासका लागि बजेट माग्दै महर

काठमाडौं । नेकपा (एमाले)का प्रमुख सचेतक ऐन महरले बझाङ जिल्लाका विभिन्न स्थानमा आवश्यक पूर्वाधार निर्माणका लागि बजेट व्यवस्थापन गर्न सरकारसँग आग्रह गरेका छन्।

महरले स्थानीय पूर्वाधार विकास विभागका महानिर्देशक अशोककुमार साहलाई भेटेर जिल्लामा निर्माण आवश्यक रहेका ४२ वटा मोटरेबल पुल र २२ वटा झोलुङ्गे पुलका लागि बजेट विनियोजन गर्न माग गर्दै पुलहरूको विस्तृत सूची बुझाएका हुन्।