आयोजनाद्वारा जग्गा खरिद गरी सरकारको नाममा हस्तान्तरण

संखुवासभा । संखुवासभामा २ सय २० केभी प्रसारण लाइन आयोजनाले वन क्षेत्रको जग्गा प्रयोग गरेबापत सट्टाभर्ना जग्गा उपलब्ध गराएको छ । नेपाल विद्युत् प्राधिकरणको तुम्लिङटार–सितलपाटी २ सय २० केभी प्रसारण लाइन आयोजनाले वन क्षेत्रको जग्गा प्रयोग गरेबापत डिभिजन वन कार्र्यालय संखुवासभालाई सट्टाभर्ना जग्गा उपलब्ध गराएको हो ।

प्रसारण लाइन तथा टावर निर्माणका लागि प्रयोग गरिएको राष्ट्रिय वन क्षेत्रको क्षतिपूर्तिस्वरूप आयोजनाले जग्गा खरिद गरी सरकारको नाममा हस्तान्तरण गरेको छ ।