बिजुलीको भ्याट हटेन, महसुल घटाएर अर्थमन्त्री वाग्लेलाई काउन्टर दिँदै ऊर्जामन्त्री श्रेष्ठ

अर्थमन्त्री डा. स्वर्णिम वाग्लेले लिएको करनीतिका कारण प्रधानमन्त्री वालेन्द्र शाह बालेन मात्र होइन, ऊर्जा, जलस्रोत तथा सिँचाइमन्त्री विराजभक्त श्रेष्ठ पनि असन्तुष्ट देखिएका छन् । बजेटमार्फत अर्थमन्त्री वाग्लेले शिक्षा र स्वास्थ्यमा ३ प्रतिशत समता शुल्कसँगै बिजुलीको महसुलमा ५ प्रतिशत भ्याट लगाएका छन्, जसले आफ्नो नेतृत्वमा रहेको ऊर्जा मन्त्रालय प्रभावित बनेको मन्त्री श्रेष्ठले महसुस गरेका छन् ।

तर, सोही बजेटमार्फत अर्थमन्त्री वाग्लेले बिजुलीको महसुलमा लगाएको ५ प्रतिशतको भ्याट भने हटेको छैन । आर्थिक विधेयक, २०८३ मार्फत मन्त्री वाग्लेले ५० युनिटभन्दा माथिको विद्युत् खपतमा प्रत्येक युनिटमा ५ प्रतिशत भ्याट लाग्ने व्यवस्था गरेका छन् ।