चिकित्सक संघसँगको सहमति अनुसार उपभोक्ता, अपराध संहिता र स्वास्थ्यकर्मी सुरक्षा ऐन संशोधन गर्न तीनवटा कार्यदल गठन

काठमाडौं- सरकार र नेपाल चिकित्सक संघसँग भएको सम्झौता अनुसार स्वास्थ्य तथा खाद्य स्वच्छता मन्त्रालयले स्वास्थ्य क्षेत्रसँग सम्बन्धित कानुन संशोधन एवं विगतका सम्झौताहरू कार्यान्वयनका लागि तीनवटा छुट्टाछुट्टै कार्यदल गठन गरेको छ।

साउन १३ गते मन्त्री निशा मेहताको उपस्थितिमा कानुन, उद्योग, गृह मन्त्रालय र नेपाल चिकित्सक संघका प्रतिनिधिहरूबीच ५ बुँदे सहमति भएको थियो। सोही सहमति अनुसार आज शुक्रबार मन्त्रालयले तीन वटा कार्यदल गठन गरेको हो।