हेटौंडा अस्पतालमा बिरामीलाई पोषणयुक्त खाना खुवाइँदै, प्रदेश सरकारले छुट्यायो ३९ लाख रुपैयाँ

हेटौंडा : एक हप्तादेखि हेटौंडा अस्पतालमा भर्ना भएर बसेकी बिबिता कार्कीलाई अस्पतालमा बस्दा के खाने भन्ने कुनै चिन्ता छैन। मनहरी गाउँपालिकाकी बिबिता झाडापखाला भएर अस्पताल भर्ना भएयता उनले अस्पतालकै खाना खाईरहेकी छिन्। बिबिताकी आमा अनिता कार्कीलाई पनि अस्पातलले नै पोषणयुक्त खाना खुवाउने भएपछि बाहिरा होटल देखि खाना ल्याउनुपर्ने समस्या नभएको बताउँछिन्।

त्यसैगरी, हेटौंडा-१४ की सुस्मिता लामा पनि करिब १० दिनदेखि अस्पालमै भर्ना भएर बसिन्। ज्वरो आउने, घाँटी दुख्ने र शरीरमा रगतको कमि देखिएपछि डाक्टरकै सल्लाहअनुसार अस्तालमा बसेकी उनका परिवारलाई सुरुमा त अस्पतालमा खाना दिन्छ भन्ने समेत थाहा थिएन। सुरुवातको दिनमा सुस्मिताकी दिदीले होटलबाटै खाना ल्याएरै खुवाईन्। तर , दोस्रो दिनमा भने उनलाई अस्पतालमै खाना पकाउने कर्मचारीहरुले भर्ना भएर बसेका बिरामीहरुलाई अस्पतालमै खाना दिने गरेको जानकारी गराए।