वर्षाले ३४ भन्दा बढी जिल्लाका नदी तथा खोला बाढीको उच्च जोखिममा, सतर्कता अपनाउन आग्रह

काठमाडौं – देशका विभिन्न स्थानमा भइरहेको वर्षाले साना तथा सहायक नदीहरूमा आजदेखि बहाव बढ्ने र आकस्मिक बाढी आउन सक्ने जोखिम देखिएको छ। बाढी पूर्वानुमान महाशाखाले जारी गरेको पछिल्लो बुलेटिनअनुसार ३४ भन्दा बढी जिल्ला भएर बहने साना नदी तथा खोलाहरूमा पानीको सतह उल्लेख्य बढ्ने भएकाले स्थानीय बासिन्दालाई सतर्क रहन आग्रह गरिएको छ।

महाशाखाका अनुसार आज झापा, इलाम, पाँचथर, ताप्लेजुङ, सङ्खुवासभा, दोलखा, सिन्धुपाल्चोक, काठमाडौं, भक्तपुर, ललितपुर, गोरखा, लमजुङ र चितवनका साना नदीहरूमा बहाव बढ्ने सम्भावना छ।