गणेशका हजुरबुवा भन्छन्– गृहमन्त्री आउने आशा टुटिसकेको छ

सिरहा । सुनसरीको देवानगन्ज गाउँपालिका–३, कप्तानगञ्जमा साउन १० गते भएको घटनापछि सुरु भएको आन्दोलनले सुनसरी, सिरहालगायत मधेसका विभिन्न जिल्लामा प्रभाव पारेको छ ।

सोही घटनाको विरोधमा सिरहाको गोलबजारमा भएको प्रदर्शन चौथो दिन हिंसात्मक बन्दै तोडफोड, आगजनी र गोली चल्ने अवस्थासम्म पुगेको थियो । उक्त घटनामा गोली लागेर सिरहाको औरही गाउँपालिका–२, तुलसियाहीका १५ वर्षीय गणेश यादवको मृत्यु भएको थियो ।