गृहमन्त्री र पीडितबिच ७ बुँदे सहमतिपछि सिरहा, जनकपुर र वीरगञ्जको जनजीवन सामान्य बन्दै

गत पाँच दिनदेखि विभिन्न घटनाका कारण तनावग्रस्त बनेको मधेस प्रदेश बिस्तारै सामान्य अवस्थातर्फ फर्किन थालेको छ।

सुनसरीको देवानगञ्ज गाउँपालिका–३ कप्तानगञ्जमा डिजे बजाउने विषयलाई लिएर भएको विवादमा दुई युवाको गोली लागेर मृत्यु भएपछि सुरु भएको तनाव सिरहा, धनुषा, पर्सालगायत जिल्लामा फैलिएको थियो। अहिले भने प्रशासन, राजनीतिक दल तथा स्थानीय समुदायको पहलसँगै अधिकांश स्थानमा जनजीवन क्रमशः सामान्य बन्दै गएको छ।