बानेश्वर क्षेत्रमा ११ बजेदेखि विद्युत् आपूर्ति बन्द हुने

काठमाडौंको बानेश्वर वितरण केन्द्रअन्तर्गत विभिन्न क्षेत्रमा आज (शनिबार) विद्युत् आपूर्ति बन्द हुने भएको छ। नेपाल विद्युत् प्राधिकरणले एक सूचना जारी गर्दै बत्तिसपुतली र बानेश्वर फिडरअन्तर्गत विभिन्न स्थानमा लाइन बन्द रहने जानकारी दिएको हो।

प्राधिकरणका अनुसार नयाँ बानेश्वरस्थित इम्पलेक्स मलअगाडि लोड ब्रेक स्विच जडान, पुरानो बानेश्वरस्थित बत्तिसपुतली र बानेश्वर फिडरबिच इन्टरलिङ्किङ स्विच जडान तथा बस कटिङजस्ता विभिन्न कार्यहरू गर्नुपर्ने भएकाले फिडरहरू शटडाउन गर्नुपरेको हो।