संवेदनशील समयमा फेसबुक लाइभमार्फत अफवाह फैलाउने युवकलाई प्रहरीले गरायो सचेत

काठमाडौं । मुलुकको तराई क्षेत्रमा धार्मिक संवेदनशीलताका कारण तनाव सिर्जना भइरहेका बेला फेसबुकमा भ्रमपूर्ण लाइभ भिडिओ राखेर सहानुभूति बटुल्न खोज्ने सिरहाका एक युवकलाई प्रहरीले सचेत गराएको छ । गत आइतबारदेखि नेपालको मधेश क्षेत्रमा दुई धार्मिक समूहबिच उत्पन्न मनमुटावले तनावको स्थिति सिर्जना गरिरहेको छ । सुनसरीको देवानगञ्ज गाउँपालिकामा पर्ने कप्तानगञ्जबाट सुरु भएको यो तनावको प्रभाव सिरहा, धनुषा र पर्सासम्म पुगेको छ ।

यही संवेदनशील समयमा सिरहा जिल्लाको सिरहा नगरपालिका वडा नम्बर १२ बस्ने एक युवकले शुक्रबार राति साढे ९ बजे फेसबुकमा एउटा लाइभ भिडिओ राखेका थिए । उक्त भिडिओमा ‘मेरो गाउँमा प्रवेश गरिसक्यो, सीडीओ/एसपीको फोन रिसिभ भएन’ भन्ने भ्रमपूर्ण क्याप्सन राखिएको थियो ।